یەکەمین پەرتووکی فێرکاریی بەشی زمان و وێژەی کوردیی زانستگای
کوردستان بۆ وانەی "وشەناسی" لە ئاستی کارناسیدا بە قەڵەمی سەعید
کەرەمی و لە ژێر چاودێریی توێژینگەی کوردستان‌ناسیی زانستگای کوردستان لە سنە چاپ
و بڵاو کرایەوە.
بەپێی هەواڵ و زانیاریی پەیجی فەرمی و کەناڵی تەلەگرامی بەشی
کوردیی زانکۆی کوردستان، ئەو کتێبە یەکەم کتێبی فێرکاریی بەشی زمان و ئەدەبی
کوردیی زانکۆی کوردیی سنەیە کە بۆ وانەی مۆرفۆلۆژیی زمانی کوردی (وشەناسیی زمانی
کوردی) لە ئاستی کارناسیی باڵا و لەژێر چاودێریی توێژینگەی کوردستان‌ناسیی زانکۆی
سنەدا چاپ کراوە و بڕیارە ئەو کتێبە ساڵی داهاتوو وەک سەرچاوەی سەرەکیی وانەی
"وشەناسی"، یان مۆرفۆلۆژیی قۆناغی یەکەم بۆ ئاستی کارناسیی باڵا لەلایەن
بەشی کوردیی زمان و ئەدەبی کوردیی زانکۆی کوردستان لە سنە کەڵکی لێ وەربگیرێت.
بە گوتەی نووسەری ئەو کتێبە
ئێستا سەرقاڵی نووسینی بەرگەکانی دیکەی ئەو کتێبەیە و بەتەمایە کتێبی مۆرفۆلۆژیی
کورمانجی و هەورامی (دوو شێوەزاری دیکەی زمانی کوردی)یش چاپ و بڵاو بکاتەوە.
ڕۆژی یەکشەممە 2018/3/11 لە
کۆلێجی زمان و ئەدەبیاتی زانستگای کوردستان لە سنە کۆڕێک بۆ لێکدانەوە و
هەڵسەنگاندنی پەرتووکی "وشەناسیی زمانی کوردی" تایبەت بە شێوەزاری
سۆرانی بە قەڵەمی سەعید کەرەمی ڕێک خرا.
لە سەرەتادا د. ئومید قادرزادە
وەکوو بەڕێوەبەری توێژینگەی کوردستان‌ناسیی زانستگای کوردستان لەسەر کار و
چالاکییەکان، هەروەها بەرنامەکانی دیکەی توێژینگە بۆ ساڵی داهاتوو دوا.
پاشان پەنێلێکی زانستی لە لایەن
مامۆستایان، د. یادگار کەریمی، د. ڕەحمان وەیسی و د. زانیار نەقشبەندی بەڕێوە چوو؛
لەم پەنێلەدا جەخت کرایە سەر تایبەتمەندی و لایەنە جیاجیاکانی کتێبەکە و پاشان
هەندێک پێشنیار و ڕەخنە ئاراستەی بەرهەمەکەی کاک سەعید کەرەمی کرا.
لە دوابەشی کۆڕەکەدا چەند
پرسیارێک ئاراستەی مامۆستایان و دانەری کتێبەکە کرا.
شیاوی ئاماژەیە سەعید کەرەمی
بەرگێک لە پەرتووکە تازە چاپ‌کراوەکەی خۆی وەک دیاریی نەورۆزانە پێشکەشی هەر
خوێندکارێکی بەشی زمان و ئەدەبی کوردیی زانستگای کوردستان کرد.
شایانی باسە ئەم پەرتووکە،
ئەگەری زۆری هەیە کە لە ساڵی داهاتووەوە و لە لایەن بەشی کوردییەوە وەکوو سەرچاوەی
سەرەکیی وانەی "وشەناسی" بۆ تێرمی یەکی کارناسیی بەشی کوردی پەسەند
بکرێت.
وێڕای ئەمەش، سەعید کەرەمی
ئێستا سەرقاڵی نووسینی بەرگ‌گەلی دیکەی ئەم کتێبەیە و تا ماوەیەکی تر وشەناسیی
هەورامی و کورمانجیش لە چاپ دەدرێت.
هیچ نظری موجود نیست:
ارسال یک نظر