دوه‌مین سمیناری تاوتوێکردنی ڕێنووسی کوردی به میوانداریی زانکۆی کوردستان لە سنە و به‌شی زمان و ئه‌ده‌بیاتی کوردی به ئاماده‌بوونی مامۆستایانی زانکۆ و نووسه‌ران و پسپۆڕانی زمان و ئه‌ده‌بیاتی کوردی لە ڕۆژهەڵاتی کوردستان بۆ ماوەی دوو ڕۆژە بەڕیوە چوو.
بەپێی هەواڵی سەرچاوە خۆجێیەکان و بەشی کوردیی زانکۆی کوردستان لە سنە، لە ڕۆژانی رابردوودا ئەو سمینارە بە بەشداریی کۆمەلێک لە پسپۆڕان و شارەزایانی بواری زمان و ئەدەب و بەتایبەت مامۆستایانی زمان و ئەدەبی کوردی لە پاریزکانی سنە، ورمێ، کرماشان و ئیلام لە زانکۆی سنە بەڕێوە چووە.
له ده‌سپێکی ئه‌م دانیشتنه‌دا، پێوه‌ره‌کانی زمانناسانه‌ی جیاکردنه‌وه‌ی فۆنیمه‌کان خراوەتە به‌رباس دواتر، تیشک خراوەته سه‌ر چه‌ند بابه‌تی زمانناسانه و ده‌نگ و واچه‌کانی کوردیی خواروو، به‌تایبه‌ت فۆنیمی /ۊ/ که له چه‌ندین زاراوه و بن زاراوه‌ی کوردی، به‌تایبه‌ت له کوردیی که‌ڵهوڕی دێته گۆکردن.
هاوکات باسێکی تێروته‌سه‌ل له‌سه‌ر / د/ کلۆری کوردی له شێوه ئاخه‌فتنی شاری سلێمانی و ئاخێوه‌رانی هه‌ورامان کرا و به‌هۆی وردبوونه‌وه له‌باره‌ی چۆنیه‌تیی فۆنیمه‌کان و ئاڵۆفۆنه‌کانی زمانی کوردی.
باسی (بڕکه) له زمانی کوردی و چۆنیه‌یتی نووسینی /ی/ له وشه‌گه‌لێکی وه‌کوو "چیه/ چییه" و "نیه/ نییه" یه‌کێکی تر له باسه سه‌رنجڕاکێشه‌کان بوو که بووە هۆی باسێکی تایبه‌ت له‌سه‌ر ڕه‌چەڵه‌کناسی و مێژووی نووسینی ئه‌و دوو وشه‌یه.
له کۆتاییدا بڕیار درا، بۆ سه‌مپۆزیۆمی داهاتوو که له کۆتایی به‌هاری داهاتوو به‌ڕێوه ده‌چێت، باسی جیانووسی/ پێکه‌وه‌نووسی وه‌کوو مژاری سه‌ره‌کی له‌به‌رچاو بگیردرێت.
ماوەی دوو ساڵە لەلایەن وەزارەتی خوێندنی باڵای ئێرانەوە بڕیار دراوە هاوشانی زمانی فارسی، زمان و ئەدەبی نەتەوەکانی دیکەش لە ئاستی زانکۆ و لە دوو "وانەی ئیختیاری"دا بیخوێنن، بەڵام هەتا ئێستا ئەم بڕیارە تەنیا لە زانکۆی کوردستان لە سنە جێبەجێ کراوە و ماوەی دوو ساڵە خوێندکار وەردەگیرێت و وێڕای ئەمە بەشی کوردیی زانکۆی کوردستان لەبارەی زمان و ئەدەبی کوردی و کۆردۆلۆژی ساڵانە بە دەیان کۆڕ و چالاکی بەڕێوە دەبات.
هیچ نظری موجود نیست:
ارسال یک نظر